Richards, J. C. & Rodgers, T. S. 1986. Approaches and Methods in Language Teaching: A Description and Analysis. Cambridge: Cambridge University Press.
De acordo con Richards e Rodgers (1986), trátase dun dos niveis nos que se concreta un método de ensino de linguas, xunto cos de enfoque e deseño. Engloba as técnicas, prácticas e actividades integradas en leccións que teñen lugar no día a día de acordo cunha metodoloxía concreta. Especificamente, ocúpase do seguinte:
- os recursos de tempo, espazo e equipamento utilizados polo docente;
- os distintos tipos de interacción na aula entre docente e discentes, así como entre os propios discentes; e, para rematar,
- as estratexias e técnicas utilizadas tanto por docentes como por discentes na aplicación dun método de ensino.
Por exemplo, seguindo un método audiolingüe, seguiranse procedementos como os seguintes:
- os estudantes escoitan primeiro un diálogo modelo que contén as estruturas gramaticais que son o foco da lección;
- os estudantes, primeiro en conxunto e logo individualmente, repiten cada unha das liñas do diálogo prestando atención á pronuncia, entoación e fluidez; o docente corrixe os erros a medida que van xurdindo;
- selecciónanse estruturas lingüísticas relevantes do diálogo e utilízanse como base para actividades de distinto tipo, primeiro con todos os estudantes e logo cada un individualmente, etc.
Entradas relacionadas:
Bibliografía:
Sánchez Pérez, A. 2009. La enseñanza de idiomas en los últimos 100 años. Métodos y Enfoques. Madrid: SGEL.