Desenvolvemento curricular

Aplicación dos procedementos necesarios para a planificación, implementación, control e avaliación do ensino e aprendizaxe. Para iso séguese un proceso que abrangue os seguintes pasos:

1. análise de necesidades. Solicítase información sobre os alumnos para centrar as decisións de planificación e desenvolvemento do ensino.
2. Selección de obxectivos: Richards (1990) establece unha diferenza entre metas (en inglés, goals) e obxectivos (en inglés, objectives). As metas consisten en especificacións de carácter xeral sobre os logros que se pretende acadar nun determinado ciclo de estudos, tendo en conta as limitacións xurdidas trala análise de necesidades. Cada unha das metas concrétase nunha serie de obxectivos baseados na conduta dos alumnos, as destrezas lingüísticas e os contidos.
3. Deseño do programa: selección e gradación dos contidos de ensino necesarios para cumprir os obxectivos establecidos tras a análise de necesidades. No programa especifícanse os obxectivos, os contidos lingüísticos e de conduta, as orientacións metodolóxicas, os tipos de actividades e tarefas de aprendizaxe, o papel do alumno e o papel do profesor, así como a función dos materiais didácticos.
4. Metodoloxía: aquí a énfase ponse nas actividades, tarefas e experiencias de aprendizaxe que o docente selecciona co fin de levar a cabo o proceso de ensino.
5. avaliación: especificación dos procedementos para valorar o grao en que os alumnos alcanzaron os obxectivos establecidos, así como valoración do desenvolvemento, efectividade e eficacia do currículo no seu conxunto.