Johnson, F. & Paulston, C. B. 1976. Individualizing in the Language Classroom. Cambridge, Mass.: Jacaranda.
A contribución do alumno ao proceso de aprendizaxe depende dun número de factores, entre os que destaca o papel asignado ao profesor. Cada método de ensino de linguas asigna ao alumno un determinado rol que ten que ver con:
- o tipo de actividades que ha de levar a cabo;
- o grao de control que ten sobre os contidos;
- os esquemas de interacción que adopta con respecto a outros estudantes e ao profesor;
- o grao no que inflúe na aprendizaxe dos outros estudantes; e, para rematar,
- a consideración xeral do discente como persoa que procesa información nova, inicia a comunicación, resolve problemas, etc.
Tendo en conta estes aspectos, é necesario sinalar que fronte a algunhas metodoloxías que conferían un papel moi limitado ao alumno (como persoas que respondían a unha serie de estímulos externos), os enfoques de ensino máis recentes resaltan a autonomía do alumno á hora de aprender, así como a súa necesaria participación no desenvolvemento curricular.
Entradas relacionadas:
Bibliografía:
Richards, J. C. & Rodgers, T. S. 1986. Approaches and Methods in Language Teaching: A Description and Analysis. Cambridge: Cambridge University Press.
Wright, T. 1987. Roles of Teachers and Learners. Oxford: Oxford University Press.