Ensino centrado no alumnado

Esta aproximación ao ensino ten como eixo central as necesidades do discente máis que principios externos impostos polo currículo ou os propios intereses ou preocupacións do profesor. Procura sobre todo explotar o interese e a curiosidade natural do discente, tratando de utilizar unha metodoloxía activa na que o propio estudante sexa o principal protagonista. Algúns profesores cuestionan certos aspectos deste método didáctico pois consideran que a miúdo resulta difícil combinar con éxito os intereses e necesidades do alumnado cos obxectivos e a filosofía imposta polo propio currículo.