Currículo centrado no alumnado

Plan de acción educativa que vira arredor da idea de que a planificación, o desenvolvemento e a avaliación do proceso de ensino e aprendizaxe deben basearse na colaboración entre o profesor e os alumnos. Estes últimos han de implicarse no proceso de toma de decisións sobre os contidos do curso e a súa secuenciación, o método de ensino e a avaliación do curso, sempre de acordo cos seus intereses e necesidades. A idea dun currículo centrado no alumno xorde a partir do enfoque comunicativo, que postula que os estudantes non deben de comportarse como simples receptores de coñecementos, senón como partícipes activos nos distintos niveis de ensino e aprendizaxe. O importante é o proceso de adquisición de habilidades que o estudante poida poñer en práctica no futuro, e non tanto o dominio dunha serie de contidos establecidos con antelación polo docente.