Currículo centrado nos medios e fins

Plan de acción educativa que se centra no logro de obxectivos como resultado do ensino, e non tanto no proceso de aprendizaxe. Segue unha secuencia de catro etapas:

1. establecemento de obxectivos xerais e específicos;
2. selección de contidos;
3. selección e organización das experiencias de aprendizaxe; e
4. avaliación da aprendizaxe.

De acordo con este tipo de currículo, a meirande parte das decisións tomadas polo docente ou pola institución académica correspondente sobre obxectivos, materiais e método fanse antes de que exista un encontro entre o docente e discente na aula. A filosofía educativa que subxace a este tipo de currículo é o reconstrucionismo, que postula que no deseño do currículo debe especificarse claramente e con antelación o produto final obtido trala aprendizaxe, xunto con todas as etapas que conducen a el.