Bestard Monroig, J. 1996. "Games and Songs in Teaching English", in McLaren, N. & Madrid, D. (eds.). A Handbook for TEFL. Alcoy: Marfil, pp. 395-419.
actividade organizada que ten polo xeral os seguintes compoñentes:
- unha tarefa ou obxectivo en particular;
- un conxunto de regras;
- unha certa competitividade entre varios participantes; e finalmente,
- a comunicación falada ou escrita entre os xogadores.
No ensino de linguas utilízase o xogo para proporcionar ao alumnado a experiencia de comunicarse a través da segunda lingua dun xeito divertido e natural. Moitos xogos distraen a atención do alumnado do estudo das formas lingüísticas. Deste xeito, no canto de pensar sobre a lingua, póñena en práctica. No xogo adoita haber bastante repetición comunicativa que resulta interesante e motivadora, e como resultado mellora as posibilidades de aprendizaxe.
Os xogos que serven para exercitar a comunicación oral poden clasificarse en sete grandes grupos:
- acadar consenso, por exemplo, actividade en pirámide;
- dar instrucións, por exemplo, Simón di; Bingo;
- xogos de comunicación, por exemplo, Describir e debuxar; Descubrir as diferenzas;
- actividades de resolución de problemas;
- intercambio interpersoal, por exemplo, intercambiar información sobre as comidas preferidas / deportes / pasatempos, etc., a través dunha enquisa;
- construír pequenas historias; e
- a simulación e a dramatización.
Exemplos:
Un exemplo dun xogo típico en inglés, de fácil aplicación a calquera outra lingua, e que fomenta a comunicación real entre as persoas é o de Who am I? (“Quen son eu?”). Consiste no seguinte: un voluntario da clase pensa nunha persoa famosa. Os demais estudantes teñen que tratar de adiviñar quen é facendo preguntas do tipo Are you a woman? (“Es unha muller?”) ou Are you alive? (“Estás vivo?”). Neste caso, o estudante voluntario só pode contestar con Si ou con Non, Yes, I am / No, I'm not, ou Yes, I do / No, I don't, dependendo do contexto. O estudante que consegue saber quen é a persoa famosa é o gañador.
Entradas relacionadas:
Bibliografía:
Cook, G. 2000. Language Play, Language Learning. Oxford: Oxford University Press.
Lee, W. R. 1988. Language Teaching Games and Contests. Oxford: Oxford University Press. 2nd revised edition.
McCallum, G. P. 1980. 101 Word Games. Oxford, New York: Oxford University Press.
Rinvolucri, M. 1984. Grammar Games. Cambridge: Cambridge University Press.
Rixon, S. 1981. How to Use Games in Language Teaching. Basingstoke; London: Macmillan.