Asher, J. 1966. “The Learning Strategy of the Total Physical Response: A Review”. The Modern Language Journal 50/2: 79-84.
método de ensino de linguas desenvolvido por James Asher no que se pon énfase especial na comprensión oral, máis que nas destrezas produtivas.
Presenta as seguintes características:
- Teoría da lingua. Concepción estruturalista da lingua, baseada na gramática.
- Teoría da aprendizaxe. Insístese en que os mecanismos utilizados para aprender unha segunda lingua son os mesmos que os empregados ao aprender a primeira lingua. Préstase máis atención á comprensión oral e escrita que ás destrezas produtivas. Tamén se postula que o significado na lingua meta ha de comunicarse por medio de accións, xa que a memoria se activa grazas á resposta física do discente. En niveis iniciais, o ensino debe ir dirixido ao hemisferio esquerdo do cerebro, a parte que controla o comportamento non verbal.
- Obxectivo. O alumno ha de ter capacidade para comunicarse oralmente, sen inhibicións, cos falantes da lingua meta.
- programa. Baséase en criterios gramaticais e léxicos, pero se fai fincapé no significado, non na forma.
- Actividades. O docente empeza por pedir ao discente que leve a cabo ordes e instrucións por medio de respostas físicas (levantarse, sentar, abrir unha porta, etc.). En todo momento o docente ha de reducir o nivel de ansiedade do alumnado, tratando de non forzalo a falar na lingua meta ata que estea preparado para iso.
- papel do alumno. Ao principio o alumno ha de escoitar e levar a cabo as accións que se lle pide que realice.
- papel do profesor. O docente desempeña un rol activo, coma se fose o director dunha obra de teatro na que os alumnos son actores.
- Función dos materiais didácticos. Non se utilizan textos nin manuais preestablecidos. Estes só deben ser introducidos logo dun primeiro nivel no que teñen especial importancia a voz, as accións, os xestos, etc.
Bibliografía:
Asher, J. 1969. “The Total Physical Response Approach to Second Language Learning”. The Modern Language Journal 53/1: 3-17.
Asher, J. 1987. Learning Another Language Through Actions: The Complete Teacher’s Guidebook. Los Gatos, Cal.: Sky Oaks Productions.10th edition
Larsen-Freeman, D. 1986. Techniques and Principles in Language Teaching. New York: Oxford University Press.
Richards, J. C. & Rodgers, T. S. 1986. Approaches and Methods in Language Teaching: A Description and Analysis. Cambridge: Cambridge University Press.
Sánchez Pérez, A. 2009. La enseñanza de idiomas en los últimos 100 años. Métodos y Enfoques. Madrid: SGEL.