Oral

Termo que fai referencia á lingua falada fronte á escrita. A partir da aparición do enfoque comunicativo concedeuse grande importancia ao ensino e práctica das destrezas lingüísticas de comprensión oral e expresión oral, tanto como ás de lectura e expresión escrita. Desde entón viñéronse desenvolvendo gran cantidade de estratexias e técnicas de ensino e aprendizaxe, así como actividades (de práctica máis ou menos controlada ou libre), todas elas dirixidas a desenvolver as capacidades comunicativas do alumno, é dicir, a súa capacidade de interacción oral. Ademais do fin comunicativo, outros obxectivos dentro do ensino das destrezas orais son lograr que o discente sexa capaz de recoñecer e comprender os distintos sons da lingua estranxeira, conseguir que os pronuncie correctamente ou fixe estruturas gramaticais e vocabulario.