Doff, A. 1988. Teach English: A Training Course for Teachers. Cambridge: Cambridge University Press.
Rexistro escrito do desenvolvemento dunha unidade didáctica, co propósito de obter unha visión clara do que o docente pensa ensinar na clase. Unha programación ben elaborada supón un instrumento pedagóxico de suma importancia para o profesor, pois lle axuda a reflexionar e decidir que é o que vai facer e como. Algúns docentes consideran útil revisar a mesma logo da clase co fin de avaliar o que se fixo e comprobar ata que punto se acadaron os obxectivos propostos en cada etapa da clase. As programacións poden ser de carácter semanal ou diario, podendo variar na forma en que están escritas, segundo as preferencias e experiencia de cada docente: desde apuntes detallados que conteñen os obxectivos de cada etapa, ata un esquema curto das actividades a realizar. Unha programación dunha unidade didáctica debe polo menos incluír os seguintes apartados:
- Obxectivos. O que o profesor pensa ensinar e o que espera que os estudantes aprendan ao final da clase.
- Procedementos. Fases ou etapas da unidade para poder lograr os obxectivos anteriores. É preciso ter en conta a orde que se vai a seguir, así como o tempo aproximado previsto para cada unha delas.
- Actividades para cada etapa.
- materiais didácticos: encerado, reprodutor de CD e DVD, retroproxector, computador, fotografías, fichas e exercicios elaborados polo propio docente e/ou os alumnos, etc.
- Información sobre o alumno: nivel da clase e os coñecementos previos que se considera que teñen os alumnos.
- Problemas que se poden anticipar, é dicir, reflexionar un pouco sobre aquilo que podería saír dunha forma distinta ao previsto. Algúns estudantes, por exemplo, poden terminar as tarefas antes que outros ou o tempo de realización dunha actividade pode ser menor do que se pensaba nun principio.
Unha programación debería servir como guía para o profesor e non converterse nun conxunto de regras fixas. Un bo docente sabe estar aberto ás posibles incidencias e cambios que poidan xurdir ao longo da clase e adaptarse a eles sen perder por completo o obxectivo e dirección da mesma.
A continuación presentamos unha ficha sinxela que poder servir como modelo de programación.
|
PROGRAMACIÓN Libro de texto: __________________________ Unidade: _______________________________ Data: ________________________________ Grupo: ________________________________ Obxectivos xerais: __________________________________________________________ Temporalización:______________________________________________________________ |
|
|
Actividade |
|
|
Contexto |
|
|
Materiais |
|
|
Expoñentes lingüísticos |
|
|
Destrezas |
|
|
Tempo necesario |
|
|
Problemas que se anticipan |
|
|
Coñecementos previos dos estudantes |
|
|
Deberes / Traballo do alumno na casa |
|
|
Comentarios sobre o desenvolvemento da unidade |
|
|
Actividades de reforzo |
|
|
Avaliación do alumno e do desenvolvemento da unidade |
Entradas relacionadas:
Bibliografía:
Estaire, S. & Zanón Gómez, J. 1990. “El diseño de unidades didácticas mediante tareas. Principios y desarrollo.” Comunicación, Lenguaje y Educación 7: 35-57.
Estaire, S. 1990. “La programación de unidades didácticas a través de tareas.” Cable 5: 28-39.
Gower, R., Phillips, D. & Walters, S. 1995. Teaching Practice Handbook. Oxford: Heinemann.
Ur, P. 1996. A Course in Language Teaching – Practice and Theory. Cambridge: Cambridge University Press.