Krashen, S. D. 1985. The Input Hypothesis: Issues and Implications. Harlow: Longman.
Tamén hipótese do input e hipótese da información de entrada.
hipótese formulada por Krashen (1985) que intenta explicar o proceso de adquisición de segundas linguas. Segundo esta teoría:
- os aprendices seguen unha orde natural de adquisición cando reciben o aducto comprensible que contén unha estrutura dun grao superior ao seu nivel de competencia lingüística ((input) +1);
- o aducto comprensible non é suficiente, senón que ten que haber unha disposición afectiva que facilite a entrada do aducto;
- a simplificación da lingua utilizada por parte das persoas en contacto co aprendiz, o contexto e os aspectos extralingüísticos fan comprensible o aducto; e
- a produción do aprendiz non contribúe de forma directa á adquisición, senón que é o resultado da adquisición.
Entradas relacionadas:
Bibliografía:
Vázquez, J. & Hueso, M. D. 1989. “La hipótesis del input en la teoría de la adquisición de la segunda lengua.” Revista Española de Lingüística Aplicada 5: 53-62.