Chaudron, C. 1988. Second Language Classrooms. Research on Teaching and Learning. Cambridge: Cambridge University Press.
No contacto diario co alumnado, os docentes de segundas linguas adoitan introducir unha serie de axustes, modificacións e simplificacións co fin de facilitar a comunicación e a comprensión. Este tipo de linguaxe, coñecido como fala ou xerga propia do profesor, comparte elementos comúns coa fala materna e coa fala para estranxeiros. Ellis (1985c) establece unha distinción entre aqueles estudos que investigan o tipo de linguaxe utilizada polo profesor de segundas linguas nas súas clases e outros que se centran nas formas lingüísticas empregadas polo profesor nas clases doutras materias con alumnos que posúen unha L1 distinta á súa. Os trazos máis salientables da fala do profesor poden resumirse nos seguintes:
- É moi común atoparse con modificacións ou axustes en todos os cursos, independentemente do nivel de competencia lingüística do alumno, xa sexa este inicial, intermedio ou avanzado. Estas modificacións afectan á pronuncia (tendencia por parte do profesor a recalcar e ata a esaxerar certos sons que considera de maior dificultade para os alumnos, maior énfase na entoación), ao léxico (emprego de palabras e expresións sinxelas, uso de termos da L2 semellantes na forma e os sons aos seus equivalentes na L1) e á gramática (preferencia por oracións simples e curtas sobre construcións subordinadas).
- É infrecuente atoparse con alteracións que rompan as regras gramaticais do idioma.
- Obsérvase a presenza dunha serie de fenómenos derivados do proceso de interacción profesor-alumno, tales como, por exemplo, repeticións, explicacións longas e chamadas de atención.
- Obsérvase un número elevado de pausas de gran duración.
- Finalmente, emprégase unha cantidade moito maior de afirmacións que de preguntas.
En opinión de Ellis (1985c), os profesores deberán valorar o nivel de competencia lingüística dos seus alumnos para máis tarde decidir sobre as modificacións que se deben introducir no seu uso da L2.
Entradas relacionadas:
Bibliografía:
Ellis, R. 1991. Understanding Second Language Acquisition. Oxford: Oxford University Press.
Håkansson, G. 1987. Teacher Talk: How Teachers Modify their Speech when Addressing Learners of Swedish as a Foreign Language. Lund: Lund University Press.
Salaberri Ramiro, S. 1997. El discurso del profesor en el aula y su relación con las tareas de aprendizaje. Universidad de Granada. (Tesis doctoral inédita).