Chaudron, C. 1988. Second Language Classrooms. Research on Teaching and Learning. Cambridge: Cambridge University Press.
Formas comunicativas xeradas por alumnos e profesores dentro dun escenario social concreto como é a aula. A análise do discurso xerado na aula vén suscitando o interese dos especialistas desde os anos setenta, cos estudos de Sinclair e Coulthard (1975) e Mehan (1979). Estas análises distinguen unha secuencia ou estrutura de participación cando se realizan tarefas de aprendizaxe organizada en tres partes ou fases: iniciación por parte do docente, resposta do discente ou discentes e avaliación por parte do profesor. No modelo de Sinclair & Coulthard, o discurso de aula está organizado en distintos niveis: leccións (lessons), formadas por transaccións (transactions), as cales, á súa vez, inclúen unha segunda serie de intercambios (exchanges) que se poden descompoñer en movementos (moves); estes movementos, finalmente, están constituídos por actos (acts). Entre os temas ou áreas que recibiron maior atención dentro deste campo destacan os seguintes:
- o tipo de preguntas utilizadas tanto polo profesor como polo alumno;
- a natureza dos datos lingüísticos aos que se expón o estudante;
- a negociación de significados;
- a alternancia de turnos de palabra na conversa;
- a distribución e uso da L1 e a L2; e finalmente,
- a función e o emprego das repeticións.
Bibliografía:
Mehan, H. 1979. Learning Lessons: Social Organization in the Classroom. Cambridge, Mass.: Harvard University Press.
Salaberri Ramiro, S. 2001. “Análisis de turnos en el discurso del profesor en aulas de inglés como lengua extranjera”, en Pastor Cesteros, S. & Salazar García, V. (eds.), 2001, pp. 289-312.
Sinclair, J. M. & Coulthard, R. M. 1975. Towards an Analysis of Discourse. The English Used by Teachers and Pupils. London: Oxford University Press.
Walsh, S. 2011. Exploring Classroom Discourse: Language in Action. London; New York: Routledge.