Variedade non nativa

Variedade dunha lingua empregada por aquelas persoas que a aprenderon como segunda lingua ou como lingua estranxeira. A aprendizaxe das segundas linguas e das linguas estranxeiras adoita restrinxirse á contorna formal da escola en países nos que o contacto con falantes nativos que poidan servir de modelo é escaso; por esta razón prodúcese xeralmente un proceso acusado de interferencia da lingua nativa. Isto explica que as variedades empregadas por falantes non nativos carezan a miúdo da exactitude e fluidez das variedades nativas, ademais de presentar certos trazos particulares de pronuncia, léxico e gramática.