Crystal, D. 1997. English as a Global Language. Cambridge: Cambridge University Press.
Variedades do inglés empregadas en nacións nas que, debido ao seu pasado colonial, este idioma non é a lingua materna da maioría da poboación aínda que posúe status de lingua oficial e é, xa que logo, ensinado nas escolas e amplamente utilizado na administración, os medios de comunicación, a creación literaria, etc. O contacto coas linguas autóctonas propias de cada lugar e a necesaria adaptación a contextos socioculturais novos dá lugar a que estas variedades de inglés adquiran características peculiares nos niveis da fonoloxía, a gramática, o léxico ou a pragmática de modo que, co tempo, terminan por cristalizar estándares locais con ampla aceptación entre os seus usuarios. Exemplos de novos ingleses son os empregados en países como a India, Nixeria ou Singapura.
Entradas relacionadas:
Bibliografía:
Kachru, B. B. 1986. The Alchemy of English: The Spread, Functions, and Models of Non-Native Englishes. Oxford: Pergamon Institute of English.
Platt, J. T., Weber, H. & Ho, M. L. 1984. The New Englishes. London: Routledge and Kegan Paul.