Profesor/a-titor/a

Docente encargado dun grupo de alumnos nos niveis de Primaria e Secundaria. Tamén se adoita falar de titor/a nos estudos de Terceiro Ciclo ou Doutoramento do ensino universitario. A súa función consiste en orientar, aconsellar e asesorar ao alumnado ao seu cargo en todas as cuestións académicas (e, en ocasións, tamén extra-académicas) que o requiran. Normalmente, os profesores-titores son tamén responsables de levar un control sobre a asistencia a clase dos estudantes do seu grupo, así como de certas tarefas administrativas (levar libros de notas, fichas, informes, etc.). Así mesmo, dentro do seu horario docente, adoitan reservar polo menos unha sesión para recibir aos pais. No ámbito universitario, o titor, ademais de asesorar ao estudante, inícialle na investigación e con frecuencia dirixe a súa tese de doutoramento ou traballo de fin de máster.