Supervisión

Na formación do profesorado, seguimento e avaliación do docente en prácticas. Decotío, a persoa encargada deste cometido, ou supervisor, desempeña o papel de titor e avaliador. Nalgúns programas de formación, este ofrece axuda e apoio na fase de preparación de clases; noutras ocasións a función do supervisor limítase á observación das sesións prácticas e á crítica construtiva sobre o observado. No caso de que o supervisor traballe como asesor, debe fomentar o desenvolvemento individual de cada profesor e estimular a práctica da autoavaliación por medio da reflexión e a autoobservación.