Selecciona unha inicial para ver as entradas correspondentes:
A B C D E F G H I K L M N O P R S T U V W X Z

Estilística

Definición:

Estudo do estilo. Así como o concepto de estilo pode tratarse desde distintas perspectivas, o mesmo ocorre coa noción de estilística. De acordo con Wales (1989), a estilística no século XX vén ocupar o lugar que anteriormente tivera a elocutio na disciplina retórica. O obxectivo da meirande parte dos estudos estilísticos non é simplemente a descrición dos aspectos formais do texto, senón a explicación do seu significado funcional co fin de conseguir unha interpretación do elemento textual. A estilística mostra unha natureza ecléctica xa que se apoia en modelos e termos tomados doutras áreas e paradigmas da lingüística como a gramática, a análise do discurso, a pragmática, e ata, en ocasións, da propia crítica literaria.

O termo estilística xeral é utilizado frecuentemente como etiqueta xenérica para referirse a variedades da lingua que non teñen un carácter literario. Por esta razón vincúlase cos estudos de sociolingüística. De aí xurdiu o termo socioestilística, que se ocupa da linguaxe utilizada por grupos de escritores entendidos como grupos sociais. ⇒ estilo.

Entradas relacionadas: 
Bibliografía: 

Clark, U. 1996. An Introduction to Stylistics. Cheltenham: Stanley Thornes.

Esser, J. 1993. English Linguistic Stylistics. Tübingen: Max Niemeyer Verlag.

Haynes, J. 1992. Introducing Stylistics. London: Routledge and Kegan Paul.

Wales, K. 1989. A Dictionary of Stylistics. Harlow: Longman.

Widdowson, H. G. 1974.”Stylistics”, in Allen, J. P. B. & Corder, S. P., (eds.), 1974, pp. 202-230.

Correspondencia noutros idiomas
Galego: 
Estilística
Inglés: 
Stylistics
Francés: 
Stylistique
Alemán: 
Stilistik
Italiano: 
Stilistica
Polaco: 
Stylistyka
Portugués: 
Estilística
Entrada anterior / seguinte:

Cómo citar esta páxina

Palacios Martínez, Ignacio (dir.), Rosa Alonso Alonso, Mario Cal Varela, Yolanda Calvo Benzies, Francisco Xabier Fernández Polo, Lidia Gómez García, Paula López Rúa, Yonay Rodríguez Rodríguez & José Ramón Varela Pérez. 2019. Dicionario electrónico de ensino e aprendizaxe de linguas. (Dispoñible en líña en https://www.dicenlen.eu/gl/diccionario/entradas/estilistica, con data de acceso 19/05/2021).