Distribución

En estudos estatísticos, consiste na enumeración das frecuencias coas que aparecen unha serie de valores ou puntuacións, xunto con eses valores ou puntuacións. Por exemplo, a distribución das puntuacións dun test pode dispoñerse nunha táboa como segue:

En moitos casos, a forma da distribución é simétrica e acampanada, é dicir, existe un valor central cerca do cal se distribúe a meirande parte das observacións, e conforme os valores distan máis deste valor central, tanto superior como inferiormente, as correspondentes frecuencias diminúen. Este tipo de distribución recibe o nome de distribución normal (tamén chamada Campá de Gauss ou Curva de Laplace-Gauss), e os seus tres indicadores da súa tendencia central (media, mediana e moda) coinciden co valor central mencionado anteriormente. Noutras situacións pode aparecer unha distribución asimétrica ou oblicua, onde os valores máis baixos predominan sobre os máis altos (distribución asimétrica negativa) ou viceversa (distribución asimétrica positiva). Un exemplo de distribución negativa sería aquel no que a meirande parte do alumnado obtivo puntuacións elevadas, e só algúns obtiveron puntuacións moi baixas (trataríase do tipo de distribución desexable, por exemplo, nun exame final). Ademais da forma, outra propiedade das curvas de distribución é o seu grao de elevación ou curtose: se a curva é máis apuntada que a distribución normal, denomínase leptocúrtica, e en caso contrario, platicúrtica.