Resposta aberta

Prodúcese cando nun exame ou tarefa o alumno ten a liberdade de contestar unha pregunta da forma que considere máis conveniente; é dicir, non ten que seleccionar unha resposta de entre un conxunto de alternativas dadas. Por exemplo, nunha actividade de lectura comprensiva poderíase facer unha pregunta como Por que marchou o mozo da vila?. A resposta podería ser O mozo pensou que os seus amigos xa non o querían. Ao contestar esta pregunta o estudante ten que escribir unha frase completa cuxa estrutura e contido serán diferentes á forma da pregunta. En cambio, a pregunta pechada O mozo marchou da vila porque xa non o querían os seus amigos? require a resposta Si ou Non; esta, con todo, non permite a posibilidade de demostrar nin o nivel de comprensión nin o nivel de competencia escrita do alumno.