Brown, J. D. 1988. Understanding Research in Second Language Learning: A Teacher’s Guide to Statistics and Research Design. Cambridge: Cambridge University Press.
Persoa que facilita ao investigador a información que precisa para a súa análise, por exemplo, por medio dunha entrevista na que se grava o que o informante di, ou a través dun cuestionario ou enquisa onde este responde a diversas preguntas sobre o seu uso persoal da linguaxe. Os informantes son especialmente útiles nos estudos baseados en enquisas, que analizan as características, opinións ou actitudes dos membros dun grupo. Este tipo de investigacións permite recoller bastantes datos en pouco tempo, aínda que presenta o inconveniente de que o número de suxeitos adoita ser limitado (por exemplo, cando o investigador necesita realizar entrevistas individuais). Un tipo especial de informantes son os chamados informantes clave, que proporcionan ao investigador datos sobre un fenómeno ao que este non ten acceso, ou ben explicacións sobre acontecementos dos que si foi testemuña. Os informantes clave selecciónanse coidadosamente, xa que son utilizados como principal fonte de información; en ocasións é necesario darlles instrucións precisas, polo que ao recorrer a eles hai que ter en conta que os seus puntos de vista non serán imparciais. Isto ha de especificarse nas notas de campo e advertirse ao comezo do informe da investigación.
Entradas relacionadas:
Bibliografía:
Hitchcock, G. & Huges, D. 1989. Research and the Teacher: A Qualitative Introduction to School-Based Research. London: Routledge and Kegan Paul.
Patton, M. Q. 1990. Qualitative Evaluation and Research Methods. Thousand Oaks, CA: Sage Publications. 2nd edition.