Efecto da práctica

Efecto positivo que supón practicar previamente o que se vai levar a cabo con posterioridade. A práctica é a actividade a través da que se consolidan e perfeccionan os coñecementos e as destrezas lingüísticas; polo tanto, a práctica podería considerarse como a actividade da aula de maior importancia. O efecto da práctica reflíctese de modo directo no rendemento do estudante. Así, por exemplo, é moi probable que o alumnado acade maior éxito nun exame que contén partes sobre as cales xa foi examinado nun pre-exame e que, polo tanto, xa practicou; deste xeito, obterá mellores resultados debido á práctica previa, e non tanto polo coñecemento que adquiriu no curso en si.