Selecciona unha inicial para ver as entradas correspondentes:
A B C D E F G H I K L M N O P R S T U V W X Z

Movemento de reforma

Definición:

Ideario nacido a finais do século XIX a partir da colaboración entre lingüistas e especialistas no ensino de linguas. Este movemento quería ser científico, e reflicte os inicios da disciplina hoxe coñecida como lingüística aplicada. Avogaba por un cambio profundo na metodoloxía do ensino de linguas estranxeiras, entón dominada polo método da gramática e a tradución. Os seus principios básicos son os seguintes:

  1. primacía concedida á lingua falada e ás destrezas lingüísticas orais en xeral;
  2. os alumnos han de escoitar a lingua primeiro, antes de que lles sexa presentada de forma escrita;
  3. o léxico debe presentarse en oracións, e estas dentro de contextos significativos e non de forma illada, coma se fosen elementos desconectados;
  4. as regras gramaticais só deben ensinarse despois de que o estudante practique os puntos gramaticais nun contexto, é dicir, de forma indutiva; e
  5. hase de evitar a tradución, aínda que é posible utilizar a lingua materna para explicar o significado de palabras novas ou comprobar que o estudante entendeu.
Bibliografía: 

Richards, J. C. & Rodgers, T. S. 1986. Approaches and Methods in Language Teaching: A Description and Analysis. Cambridge: Cambridge University Press.

Correspondencia noutros idiomas
Galego: 
Movemento de reforma
Inglés: 
Reform movement
Francés: 
Mouvement de Réforme
Alemán: 
Reformbewegung
Italiano: 
Movimento di Riforma
Polaco: 
Ruch reformacyjny
Portugués: 
Movimento de reforma
Entrada anterior / seguinte:

Cómo citar esta páxina

Palacios Martínez, Ignacio (dir.), Rosa Alonso Alonso, Mario Cal Varela, Yolanda Calvo Benzies, Francisco Xabier Fernández Polo, Lidia Gómez García, Paula López Rúa, Yonay Rodríguez Rodríguez & José Ramón Varela Pérez. 2019. Dicionario electrónico de ensino e aprendizaxe de linguas. (Dispoñible en líña en https://www.dicenlen.eu/gl/diccionario/entradas/movemento-reforma, con data de acceso 16/12/2019).