Eddington, D. 2015. Statistics for Linguists: a Step-by-Step Guide for Novices. Newcastle upon Tyne: Cambridge Scholars Publishing.
En estatística, denomínase intervalo ou intervalo de clase a cada unha das partes nas que se pode subdividir o percorrido dunha variable. Por exemplo, o percorrido da variable das cualificacións dun exame (puntuado de 0 a 10) pódese dividir nos intervalos seguintes: de 0 a 4 inclusive (suspenso), de 5 a 6 inclusive (aprobado), de 7 a 8 inclusive (notable), e de 9 a 10 inclusive (sobresaliente). Unha distribución da frecuencia desas puntuacións nun grupo de 100 alumnos podería ser:
|
Intervalo |
Frecuencias (alumnos) |
|---|---|
|
0-4 |
30 |
|
5-6 |
42 |
|
7-8 |
18 |
|
9-10 |
10 |
|
100 |
Os intervalos poden ser da mesma ou de distinta amplitude, é dicir, que a diferenza entre os seus límites superiores e inferiores pode ser igual ou non (no exemplo anterior, as amplitudes son: 4, 2, 2 e 2). A marca de clase é o punto medio de cada intervalo (neste caso: 2; 5,5; 7,5 e 9,5). O intervalo adóitase utilizar cando o número de valores distintos que pode adoptar unha variable é moi elevado, de modo que se recorre á agrupación deses valores para simplificar os cálculos.
Bibliografía:
Nortes Checa, A. 1991. Estadística teórica y aplicada. Barcelona: DM/PPU.