Enfoque do código cognitivo

Aproximación ao ensino de segundas linguas baseada no principio de que a aprendizaxe está fundamentada en procesos mentais de carácter activo máis que nunha mera adquisición de hábitos a través da imitación e a práctica. O alumnado, de acordo con este enfoque, toma un papel activo na súa aprendizaxe formulando hipóteses sobre o funcionamento do sistema gramatical. Aínda que non podemos falar dunha metodoloxía cognitiva en si mesma, varios métodos tales como o enfoque comunicativo ou o enfoque por tarefas inspiráronse nesta aproximación.