Enfoque estrutural

Aproximación á lingua e ao seu ensino na que o sistema lingüístico é considerado como un conxunto de elementos relacionados estruturalmente co obxecto de transmitir significados. O fin da aprendizaxe da lingua estriba en acadar o dominio dos elementos de tal sistema: unidades fonolóxicas (por exemplo, fonemas), gramaticais (oracións, enunciados, etc.), operacións gramaticais (unir elementos, transformacións, etc.) e elementos léxicos (palabras gramaticais e estruturais). Algúns dos métodos que tomaron como base este enfoque son o método audiolingüe, a resposta física total e o método do silencio.