Converxencia

Proceso mediante o cal dúas ou máis linguas ou variedades lingüísticas (dialectais, estilísticas ou de rexistro) víranse progresivamente máis semellantes entre si. Isto sucede, por exemplo, cando unha lingua ou variedade lingüística posúe ou adquire un maior status dentro dun contexto lingüístico determinado. Os falantes doutra que coexista coa primeira no devandito contexto tenderán a asemellala á primeira, mediante cambios na pronuncia, estilo, trazos e estruturas gramaticais e incorporando ao seu vocabulario palabras específicas da lingua de maior status.

Dentro da teoría da acomodación, que distingue as actitudes dos falantes cara aos seus interlocutores, os falantes poden recorrer á converxencia ou á diverxencia. A primeira consiste na adaptación, por parte do falante, á fala do interlocutor. A diverxencia é o proceso contrario, é dicir, o afastamento da fala do interlocutor.