Análise crítica do discurso

Enfoque interdisciplinar do estudo do discurso que considera a linguaxe como unha forma de práctica social, tamén coñecida como ACD, ou CDA, en inglés. A análise crítica do discurso desvela os procesos ideolóxicos que se esconden no uso da linguaxe escrita e falada para outorgar o poder a determinados grupos sociais en detrimento doutros. Preténdese ir máis aló do estudo meramente formal da lingua, ao afirmar que a relación entre signo lingüístico e función non é arbitraria, senón que se ve influída por razóns ideolóxicas, é dicir, por factores sociais, culturais e políticos. No campo do ensino de linguas, a lingüística crítica promove entre o alumnado a análise da lingua, desde unha perspectiva socio-cultural, a capacidade de pensamento crítico, e o cambio social fóra da aula.