Lingüística funcional

Modelo de análise e descrición lingüística desenvolvido en torno ao concepto de función. De modo específico, emprégase a denominación con referencia á teoría lingüística formulada polo lingüista holandés Simon Dik. Fronte a visións máis formalistas, desde a perspectiva funcional a lingua enténdese como un instrumento de interacción social e debe ser estudada a través do uso que se fai das formas lingüísticas na comunicación. Así mesmo, o individuo considérase como un axente social que vive e se relaciona nun medio no que necesita adquirir e usar a lingua para comunicarse.