Valor dunha unidade lingüística no interior da estrutura da que forma parte. Dicimos, por exemplo, que a frase ou sintagma nominal a mazá desempeña a función de obxecto directo no interior da oración o neno come a mazá.
Crystal, D. 1997. The Cambridge Encyclopedia of Language. Cambridge: Cambridge University Press. 2nd edition.
Lyons, J. 1968. Introduction to Theoretical Linguistics. Cambridge: Cambridge University Press.
Propósito comunicativo dun enunciado. Fálase neste sentido de funcións da linguaxe ou funcións comunicativas, das que existen diversas taxonomías. Así, a linguaxe pode empregarse para comunicar ideas (función representativa), expresar sentimentos ou estados de ánimo (función expresiva), establecer unha relación social e mantela (función fática), etc.
Lyons, J. 1968. Introduction to Theoretical Linguistics. Cambridge: Cambridge University Press.
Richards, J. C. & Rodgers, T. S. 1986. Approaches and Methods in Language Teaching: A Description and Analysis. Cambridge: Cambridge University Press.
Wilkins, D. A. 1976. Notional Syllabuses. Oxford: Oxford University Press.
En sociolingüística adoita empregarse este termo na descrición de comunidades plurilingües con referencia ao tipo de actividades que regularmente se levan a cabo por medio dunha lingua determinada. Fálase así da función litúrxica, a función educativa, a función oficial, etc.
Fasold, R. 1984. The Sociolinguistics of Society. Oxford: Blackwell.
En estatística, ⇒ eixos cartesianos