Doff, A. 1988. Teach English: A Training Course for Teachers. Cambridge: Cambridge University Press.
Pódese falar de distintos tipos de exercicios de repetición, dependendo do grao de control que estes exerzan sobre a resposta do estudante. Un exercicio oral con significado completo é aquel no que existe certo control sobre a resposta do estudante, aínda que este necesita comprender para producir a resposta correcta. Ademais, ten maior liberdade á hora de empregar vocabulario e resulta máis motivador.
Un exercicio oral mecánico é aquel no que o control exercido sobre a resposta do estudante é total e non é necesaria a comprensión para producir a resposta correcta. Por exemplo, o docente suxire a modo de estímulo: libro / vaso e o discente responde coa estrutura previamente dada: Dáme o libro / vaso.
Exemplos:
Exemplos tomados do inglés:
O docente (D) le unha oración e o estudante (E) responde:
D: I’m bored. (“Estou aburrido”).
E: Let’s go out somewhere then! (“Imos a algún sitio entón!”).
------------------------------------------------
D: I’m hungry. (“Teño fame”).
E: I’ll get you something to eat. (“Preparareiche algo para comer”).
-------------------------------------------------
D: I’m late. (“Chego tarde”).
E: I’ll give you a lift. (“Lévote no meu coche”).
Entradas relacionadas:
Bibliografía:
Paulston, C. B. 1980. “The Sequencing of Structural Pattern Drills”, in Croft, K. (ed.). Readings on English as a Second Language. Cambridge, MA: Winthrop, pp. 148-162.
Ur, P. 1996. A Course in Language Teaching – Practice and Theory. Cambridge: Cambridge University Press.