Educación multicultural

Proposta educativa cuxo fin é facer fronte ás situacións de diversidade cultural, cada vez máis frecuentes nas sociedades modernas, sobre todo como resultado dos movementos migratorios, considerándoas como un recurso e non só como un problema social. Entre os obxectivos xerais que se perseguen con este modo de entender a educación destacan tres:

1. promover a igualdade de oportunidades sociais dos menores das minorías étnicas, aumentando a competencia destes na cultura dominante;
2. fomentar o coñecemento e a valoración das diferenzas culturais como medio de combater a discriminación; e
3. defender e desenvolver o pluralismo cultural na sociedade.