Retraso da linguaxe

Ausencia da linguaxe á idade na que se debía producir ou desenvolvemento lento na adquisición da fala. Distínguese normalmente entre retraso leve (ausencia de determinadas consoantes ou vogais en certos grupos silábicos, ou redución do sistema consonántico), retraso moderado (maior redución de patróns fonolóxicos que no caso anterior, uso de escasas preposicións, ausencia de subordinación e estruturas de frases simples), e retraso grave (gran redución de patróns fonolóxicos, fala telegráfica, conversa centrada no propio individuo, área do significado pequena en cantidade e calidade).