Realidade Virtual (RV)

A realidade virtual (RV) é unha tecnoloxía que crea experiencias inmersivas simuladas por ordenador, permitindo aos usuarios interactuar con contornas virtuais como se fosen reais. A RV funcional creando unha ilusión de realidade mediante a presentación de imaxes 3D e son envolvente a través de dispositivos como gafas ou cascos, e en algúns casos, luvas ou outros sensores, coa fin de permitir a interacción co mundo virtual e crear a sensación de inmersión .

As plataforma de RV, como Immerse, VirtualSpeech e Mondly VR, ofrecen contornas inmersivas para a aprendizaxe de linguas, permitindo aos estudantes interactuar en escenarios simulados (entrevistas, reunións, etc.) e practicar en situacións reais (por exemplo, pedir comida, direccións ou información) o que aumenta a motivación, a retención e a confianza no uso do idioma.

É importante distinguir entre realidade virtual e realidade aumentada (RA). Mentres que a RV crea unha contorna completamente virtual, a realidade aumentada é unha tecnoloxía que superpón información dixital, como imaxes, vídeos, obxectos 3D ou texto, ao mundo real, a través de dispositivos como tabletas ou teléfonos intelixentes, mellorando así a percepción da contorna. Dese modo, a RA permite interactuar co mundo real e elementos virtuais superpostos. No ámbito do ensino de linguas, a RA ofrece experiencias interactivas e contextualizadas que melloran a comprensión e retención do vocabulario e a gramática. Aplicacións como Mondly AR permiten simular situacións cun asistente virtual que interacciona co usuario, e AR Translator utiliza realidade aumentada para traducir texto, voz e imaxes en tempo real, permitindo, por exemplo, identificar obxectos reais coa cámara do dispositivo e superpoñer a tradución dos seus nomes sobre as imaxes.