Selecciona unha inicial para ver as entradas correspondentes:
A B C D E F G H I K L M N O P R S T U V W X Z

Presuposición

Definición:

En pragmática emprégase este termo con referencia a aquela proposición que o falante acepta como certa de forma implícita ao emitir un enunciado. Por exemplo, ao dicir Xoán sae coa irmá de Paulo, o falante asume implicitamente que Xoán e Paulo existen, e que este último ten unha irmá. Unha das propiedades das presuposicións é que a súa validez mantense constante ao negar o enunciado: Xoán non sae coa irmá de Pedro. O caso ilustrado con este exemplo denomínase presuposición existencial, pero existen outras formas de presuposición. Certas palabras, frases ou estruturas sintácticas como as empregadas nos seguintes exemplos requiren tamén unha interpretación con presuposicións: Lamento que suspendera (>Suspendeu); Perdeu o carné outra vez (>Perdera o carné antes): Finxiu que non nos sentira (>Sentiunos): Cando mudou de casa? (>Mudou de casa).

Bibliografía: 

Levinson, S. 1983. Pragmatics. Cambridge: Cambridge University Press.

Yule, G. 1996. Pragmatics. Oxford: Oxford University Press.

Correspondencia noutros idiomas
Español: 
Presuposición
Inglés: 
Presupposition
Francés: 
Présupposition
Alemán: 
Präsupposition
Italiano: 
Presupposizione / Presupposto
Polaco: 
Presupozycja/Założenie
Portugués: 
Pressuposição
Ruso: 
Пресуппозиция
Entrada anterior / seguinte:

Como citar esta páxina

Palacios Martínez, Ignacio (dir.), Rosa Alonso Alonso, Mario Cal Varela, Yolanda Calvo Benzies, Francisco Xabier Fernández Polo, Lidia Gómez García, Paula López Rúa, Yonay Rodríguez Rodríguez & José Ramón Varela Pérez. 2019. Dicionario electrónico de ensino e aprendizaxe de linguas. ISBN 978-84-09-10971-5. (Dispoñible en líña en https://www.dicenlen.eu/gl/diccionario/entradas/presuposicion, con data de acceso 29/03/2024).