Filoxenia

Termo que designa o estudo diacrónico do desenvolvemento e evolución condutual e cognitiva dunha sociedade e dos cambios que sofre ao longo da historia. Dentro do campo da lingüística, a filoxenia céntrase no estudo do desenvolvemento histórico da lingua nunha comunidade de falantes. A filoxenia é, xunto coa ontoxenia, un aspecto da lingüística diacrónica, aínda que ambos os termos foron tomados da Bioloxía.

A filoxenia ocúpase de estudar o cambio lingüístico ao longo da historia dunha lingua determinada nos distintos niveis da mesma: morfoloxía, sintaxe, fonética e fonoloxía e semántica. A disciplina lingüística que se encarga de estudar estes procesos de cambio filoxénico é a lingüística histórica.