Didáctica

Do grego didaktiké (“ensinar”). A Didáctica aplica as elaboracións e presupostos teóricos da pedagoxía; no entanto, algúns especialistas tamén a consideran como a teoría da instrución. Se a estudamos en relación con outras disciplinas, vemos que está vinculada á pedagoxía, a psicoloxía e a metodoloxía. Por outra banda, adoita facerse unha subdivisión entre Didáctica xeral e Didáctica especial. A primeira ocúpase do conxunto de coñecementos aplicables a todo individuo, mentres que a Didáctica especial céntrase no traballo discente e nos métodos aplicados a cada unha das áreas do coñecemento humano. Así, por exemplo, fálase da Didáctica das Matemáticas, Didáctica das Ciencias Sociais, Didáctica da Lingua e da Literatura, etc.