Gilmore, A. 2007. "Authentic materials and authenticity in foreign language learning." Language teaching 40/2: 97-118.
No ensino de linguas, adoita falarse de autenticidade con referencia a aqueles textos que non foron inventados ou modificados para servir de modelo senón que están tomados directamente de fontes ou situacións comunicativas reais. Co desenvolvemento do concepto de competencia comunicativa e a introdución do enfoque comunicativo nos anos 70 do século pasado, a autenticidade dos materiais empregados na clase de lingua adquiríu unha importancia capital, dado que é a través deste tipo de textos como mellor se pode expoñer aos estudantes á riqueza e variabilidade das formas lingüísticas en contextos de comunicación reais. Do mesmo xeito, adoita falarse de tarefas de clase auténticas con referencia a aquelas actividades formativas contextualizadas de maneira realista que reflicten o modo en que os coñecementos adquiridos serán empregados na vida real.
Entradas relacionadas:
Bibliografía:
Herrington, J., Reeves, T. C., & Oliver, R. 2010. A guide to authentic e-learning. New York and London: Routledge.