Método novo

método de ensino de linguas estranxeiras promovido por Michael West nos anos anteriores á Segunda Guerra Mundial. Pártese da base de que en moitos países nos que o inglés é unha lingua estranxeira, os estudantes, que só van permanecer na escola durante un número limitado de anos, deberían concentrar a súa atención no dominio da lectura. Para iso, West simplificou o vocabulario que habería que presentar ao alumnado, de maneira que só se empregaran termos de uso frecuente na lingua; ademais, dispuxo que o alumno contase con varias oracións para practicar unha mesma palabra antes de enfrontarse con elementos léxicos novos.