Método de examinar enchendo ocos coa palabra axeitada

En exames e avaliación, forma utilizada para preparar e corrixir exames nos que se lle pide ao alumno que utilice unha palabra aceptable nos ocos que contén a proba. Para saber que palabras son as máis axeitadas preséntase o exame a varios falantes nativos, e as respostas ordénanse conforme á súa frecuencia. Así, o estudante que responde cunha palabra de frecuencia alta obterá unha maior puntuación nesa pregunta que outro que encha o oco con outra palabra de frecuencia máis baixa.