Identidade

Aspecto da aprendizaxe dunha segunda lingua que se ocupa da relación entre o aprendiz e a sociedade. Esta característica adoita analizarse desde unha perspectiva sociolóxica e antropolóxica, considerando que os factores individuais da aprendizaxe, como, por exemplo, a motivación, constrúense nun contexto social que cambia no tempo e o espazo. O papel que ese contexto xoga na aprendizaxe repercute no constructo da identidade do aprendiz. Doutra banda, os cambios que se produciron nas concepcións do individuo, a lingua e a aprendizaxe como unha práctica social contextualizada repercutiron na relevancia da identidade. Por exemplo, en contextos onde o aprendiz é valorado pode resultarlle máis fácil participar na interacción social. Esa interacción á súa vez implica a negociación e construción da identidade.