Test de pares falsos

Denominado tamén “de falsos emparellamentos” ou matched guise, en inglés.

técnica proposta por Lambert para o estudo das actitudes lingüísticas e da reacción subxectiva dos individuos fronte a determinadas variedades lingüísticas e aos seus falantes. Consiste na utilización de gravacións nas que se le un mesmo texto empregando variedades lingüísticas diferentes, ou varios dos dialectos ou acentos estudados. Estes textos gravados, convenientemente mesturados, preséntanse como estímulos a un grupo de suxeitos coa instrución de que puntúen aos falantes que escoitan empregando unha serie de escalas bipolares do tipo intelixente-pouco intelixente, amable-pouco amable, etc. O feito de que varias das mostras de voz correspondan á mesma persoa, circunstancia que os suxeitos do experimento ignoran, permite atribuír as súas valoracións ás variedades empregadas en cada caso, e non á cualidade da voz.