Selecciona unha inicial para ver as entradas correspondentes:
A B C D E F G H I K L M N O P R S T U V W X Z

Funcións evolutivas da linguaxe

Definición:

M. A. K. Halliday (1978) emprega este termo ao falar do proceso de adquisición da lingua materna para referirse a unha serie de intencións ou propósitos comunicativos que son os que desenvolvemos en primeiro lugar durante a infancia. A través dos sons que articulan nas fases iniciais da súa aprendizaxe lingüística, os nenos son capaces de expresar unha gama crecente de significados correspondentes a distintas funcións. Halliday establece sete funcións básicas:

  1. instrumental (quero): satisfacer necesidades materiais;
  2. reguladora (fai o que digo): controlar a conduta doutros;
  3. interaccional (ti e máis eu): relacionarse con outras persoas;
  4. persoal (aquí estou): expresar a súa propia identidade;
  5. heurística (dime por que): explorar o mundo exterior e interior;
  6. imaxinativa (fagamos coma se): crear o seu propio mundo; e finalmente,
  7. informativa (teño algo que contarche): comunicar información nova.
Bibliografía: 

Halliday, M. A. K. 1978. Language as Social Semiotic: The Social Interpretation of Language and Meaning. London: Edward Arnold.

Halliday, M. A. K. 1994. An Introduction to Functional Grammar. London: Edward Arnold. 2nd edition.

Correspondencia noutros idiomas
Galego: 
Funcións evolutivas da linguaxe
Inglés: 
Developmental functions of language
Francés: 
Fonctions évolutives du langage
Alemán: 
Evolutive Sprachfunktionen
Italiano: 
Funzioni evolutive del linguaggio
Polaco: 
Funkcje rozwojowe języka
Portugués: 
Funções desenvolvimentais da linguagem
Ruso: 
Развивающая функция языка
Entrada anterior / seguinte:

Cómo citar esta páxina

Palacios Martínez, Ignacio (dir.), Rosa Alonso Alonso, Mario Cal Varela, Yolanda Calvo Benzies, Francisco Xabier Fernández Polo, Lidia Gómez García, Paula López Rúa, Yonay Rodríguez Rodríguez & José Ramón Varela Pérez. 2019. Dicionario electrónico de ensino e aprendizaxe de linguas. (Dispoñible en líña en https://www.dicenlen.eu/gl/diccionario/entradas/funcions-evolutivas-linguaxe, con data de acceso 23/09/2020).