Aprendizaxe do inglés en contextos extraescolares

Termo utilizado para falar da aprendizaxe do inglés que ten lugar fóra da aula. Foi introducido no campo da adquisición de segundas linguas polas profesoras Sundqvist e Sylvén (Sundqvist & Sylvén, 2016), para referirse máis concretamente á exposición ao inglés como segunda lingua, tanto a través de internet como en situacións do mundo real. Nese sentido, diferénciase do termo aprendizaxe informal en liña, utilizado por Sockett (2014), que se refire unicamente á exposición á actividade en liña como ver vídeos en YouTube ou escoitar música en plataformas dixitais. Ambos termos empréganse para referirse á aprendizaxe informal fóra da aula.