Selecciona unha inicial para ver as entradas correspondentes:
A B C D E F G H I K L M N O P R S T U V W X Z

Aprendizaxe incorporada

Definición:

Método educativo onde se utiliza o corpo como instrumento para a aprendizaxe. Enraízado nas teorías da cognición incorporada ou corporeizada (do termo “embodied” en inglés) que propugnan que a mente se atopa integrada dentro do sistema sensorial e motor de corpo. Adquire relevancia o papel do corpo na aprendizaxe, é dicir, a natureza  corporeizada da aprendizaxe dunha segunda lingua. Establécese unha conexión entre o traballo académico e os movementos corporais. Isto maniféstase de maneira práctica no ensino das habilidades e competencias que promoven a comunicación. O método da Resposta Física Total, proposto por Asher, constitúe un primeiro achegamento a este tipo de aproximación didáctica no sentido de que a aprendizaxe non é meramente intelectual senón que se involucra ao corpo no proceso. Pódense utilizar actividades como, por exemplo, lanzarse unha pelota uns a outros para aprender as formas pasadas dos verbos en inglés ou xogos de rol nos que os alumnos indican unha dirección usando un mapa e mostrando cos brazos as direccións.

Bibliografía: 

Barsalou, L. W. 2008. “Grounded cognition”. Annual Review of Psychology 59: 617-645.

Schmidt, M., Benzing, V., Wallman-Jones, A., Mavilidi, M. F., Lubans, D. R. & Paas, F. 2019. “Embodied learning in the classroom: Effects on primary school children’s attention and foreign language vocabulary learning”. Psychology of sport and exercise 43: 45-54.

Zirak Haseeb Chicho, K. 2021. “Embodied Learning Implementation in EFL Classroom: A Qualitative Study”. International Journal of Social Sciences & Educational Studies 8/1: 51-58.

Correspondencia noutros idiomas
Español: 
Aprendizaje incorporado
Inglés: 
Embodied learning
Entrada anterior / seguinte:

Como citar esta páxina

Palacios Martínez, Ignacio (dir.), Rosa Alonso Alonso, Mario Cal Varela, Yolanda Calvo Benzies, Francisco Xabier Fernández Polo, Lidia Gómez García, Paula López Rúa, Yonay Rodríguez Rodríguez & José Ramón Varela Pérez. 2019. Dicionario electrónico de ensino e aprendizaxe de linguas. ISBN 978-84-09-10971-5. (Dispoñible en líña en https://www.dicenlen.eu/gl/diccionario/entradas/aprendizaxe-incorporada, con data de acceso 28/03/2024).