Escala psicolóxica

Técnica de valoración empregada en estudos relacionados coa medición ou cuantificación de certas capacidades psicolóxicas dun individuo. As escalas psicolóxicas adoitan ser de dous tipos: de suxeitos e de obxectos. Nas escalas psicolóxicas de suxeitos, o individuo leva a cabo unha valoración de distintos aspectos acerca de si mesmo como, por exemplo, o seu carácter, comportamento, destrezas, etc. Nas escalas psicolóxicas de obxectos a valoración realízase con respecto a elementos ou obxectos pertencentes á realidade que rodea ao individuo.