Selecciona unha inicial para ver as entradas correspondentes:
A B C D E F G H I K L M N O P R S T U V W X Z

Asociación Europea de Examinadores de Linguas

Definición:

Asociación de institucións académicas radicadas en Europa responsable da elaboración de exames para a obtención de certificados de aptitude en linguas estranxeiras. Cada un dos seus membros se encarga das probas de lingua materna no seu país ou rexión. Constituída en 1989 polas universidades de Cambridge e Salamanca, na actualidade a asociación agrupa a 24 países. Nunha Europa sen barreiras entre estados e cunha crecente mobilidade de estudantes e cidadáns, facíase necesario contar cun sistema de equiparación de cualificacións para as distintas probas que fose válido para todos os países da contorna europea. Os tres obxectivos da asociación son:

  1. o establecemento de niveis comúns de logro para promover o recoñecemento e convalidación a nivel europeo dos distintos certificados de exames de lingua estranxeira;
  2. o establecemento de estándares comúns para todos os estadios de elaboración e corrección de probas; e
  3. a colaboración en proxectos comúns e no intercambio de ideas e coñecementos.
Correspondencia noutros idiomas
Galego: 
Asociación Europea de Examinadores de Linguas
Portugués: 
Associação de Examinadores de Línguas na Europa
Entrada anterior / seguinte:

Cómo citar esta páxina

Palacios Martínez, Ignacio (dir.), Rosa Alonso Alonso, Mario Cal Varela, Yolanda Calvo Benzies, Francisco Xabier Fernández Polo, Lidia Gómez García, Paula López Rúa, Yonay Rodríguez Rodríguez & José Ramón Varela Pérez. 2019. Dicionario electrónico de ensino e aprendizaxe de linguas. (Dispoñible en líña en https://www.dicenlen.eu/gl/diccionario/entradas/asociacion-europea-examinadores-linguas, con data de acceso 20/06/2021).